Forum liderləri, logistika və strateji çətinliklər səbəbindən qlobal elitaların illik toplantısını İsveçrənin Davos şəhərindən digər şəhərlərə köçürməyi düşünürlər.

"Unikal" xəbər verir ki,  bu  barədə "Financial Times" qəzeti yazıb. 

Qeyd olunur ki, Dünya İqtisadi Forumunun (WEF) təşkilatçıları on illərdir İsveçrənin Davos şəhərində keçirilən illik görüşlərinin yerini dəyişdirməyi müzakirə edirlər. Məlumata görə, bu dəyişikliyin səbəbi forumun artıq iştirakçıların çoxluğu və infrastrukturundakı gərginliyin öhdəsindən gəlməkdə çətinlik çəkən ənənəvi Alp kurortunu geridə qoyduğuna inamdır.

Bu mülahizələrin əsas tərəfdarlarından biri investisiya nəhəngi BlackRock-un baş direktoru və WEF İdarə Heyətinin müvəqqəti həmsədri Larri Finkdir. Qeyri-rəsmi müzakirələrdə Fink forumun daha az elitist və daha inklüziv hala gətirilməsinin vacibliyini qeyd edərək, tədbirin daimi olaraq başqa yerə keçirilməsi və ya növbəli şəkildə müxtəlif şəhərlərdə keçirilməsi imkanını artırıb. Baxılan variantlara Detroyt (ABŞ), Dublin (İrlandiya) və digər böyük şəhərlər daxildir.

Gülayə Mecid