Günlərdir Fransanın məşhur Luvr muzeyindəki oğurluqla bağlı istintaq dünya mediasının gündəmini zəbt edib.
"Unikal" tarixin ən qeyri-adi oğurluqlarının siyahısını təqdim edir:
Mona Liza – Fransa, Paris
1911-ci ildə italyan incəsənət oğrusu Vinçenzo Peruca şah əsəri paltarının altında gizlədərək Luvrdan sakitcə çıxıb. Cinayət üzə çıxdıqdan sonra əsər geri qaytarılıb. Bununla belə, İtaliyada bu oğru qəhrəman kimi qarşılanıb və məhkəmə ona güzəşt edib.
Böyük Qatar Soyğunu – Böyük Britaniya, Qlazqo
1963-cü ildə Royal Mail qatarında diqqətlə planlaşdırılmış soyğunçuluq baş verdi. Oğrular 2,6 milyon funt sterlinq (təxminən 7 milyon dollar) dəyərində 120 kisə əskinas oğurladılar. Dəlillər ən gözlənilməz yerlərdə - ketçup şüşəsindəki barmaq izləri ilə tapılmışdı.
Brilyant Sendviç - Belçika, Antverpen
Bu soyğunçuluğun hazırlanması üç ildən çox hazırlıq görülüb və tarixin ən böyük almaz soyğunu olub. Oğrular Antverpen Diamond Center seyfindəki 160 seyfdən 120-dən çoxuna girərək brilyant və digər zinət əşyaları ilə qaçıblar. Oğrunun hadisə yaxınlığında qoyduğu sendviç cinayətin açılmasına kömək edib.
İtirilmiş Xəzinələr - ABŞ, Massaçusets
Bostonda on üç sənət şah əsəri yoxa çıxıb. Oğurlanmış sənət əsərlərinin ümumi dəyəri təxminən yarım milyard dollar qiymətləndirilib. Bu iş polisin oğruları tuta bilməməsi və itkin düşmüş əsərlərin hələ də tapılmaması ilə görülməmiş oğurluq sayılır.
Nuranə Abbasova
