Əfqanıstanın şimalında baş verən zəlzələ nəticəsində ölənlərin sayı 27-yə çatıb.

"Unikal" xəbər verir ki, 850-dən çox insan yaralanıb. 

Qeyd edək ki, Əfqanıstanın şimalında 6,3 bal gücündə zəlzələ baş verib. ABŞ Geoloji Xidmətinin məlumatına görə, episentr Holm bölgəsindən 35 km aralıda yerləşib.

*** 09:46

Əfqanıstanda baş verən zəlzələ nəticəsində azı on nəfər ölüb, 260-dan çox insan yaralanıb.

"Unikal" xəbər verir ki, bu barədə “Reuters” məlumat yayıb.

"Bazar ertəsi səhər Əfqanıstanın şimalındakı Məzari-Şərif şəhəri yaxınlığında baş verən 6,3 bal gücündə zəlzələ nəticəsində azı 10 nəfər ölüb, 260 nəfər yaralanıb", - məlumatda deyilir.

Ölənlərin sayının artacağı gözlənilir.

***

Əfqanıstanda baş verən zəlzələ nəticəsində yeddi nəfər ölüb.

"Unikal" xəbər verir ki, bu barədə “Reuters” agentliyi məlumat yayıb.

Yerli səhiyyə idarəsinin məlumatına görə, 150 nəfər yaralanıb.

***

Əfqanıstanda 6,3 maqnitudalı zəlzələ olub.

"Unikal" xəbər verir ki, bu barədə ABŞ Geoloji Kəşfiyyat Xidməti məlumat yayıb. Yeraltı təkanların episentri Hulm bölgəsi olub. Zəlzələ ocağı Yerin 10 kilometr dərinliyində yerləşib.