Sərxoş sərnişin Volqoqrad-Moskva reysində iğtişaş yaratdıqdan sonra təyyarəni qaçırmaqla hədələyib.
"Unikal" xəbər verir ki, 42 yaşlı kişi təyyarə hələ yola düşməmişdən əvvəl saxlanılıb. Tibbi müayinədən imtina etdikdən sonra polis bölməsinə aparılıb.
Təyyarəyə baxış keçirildikdən sonra təyyarədə heç nə tapılmayıb. Həmin şəxs altı günlük inzibati həbs cəzasına məhkum edilib. Rusiya Daxili İşlər Nazirliyinin sözçüsü İrina Volk bildirib ki, cinayət işi açılıb-açılmaması barədə qərar qəbul ediləcək.
