Rusiya Prezidentinin mətbuat katibi Dmitri Peskov Cenevrədə Ukrayna və ABŞ ilə üçtərəfli danışıqlarda müzakirə olunan məsələləri müzakirə etməyin hələ tez olduğunu bildirib.

"Unikal" xəbər verir ki, o, bu barədə brifinqdə deyib. 

Tədbir zamanı jurnalistlər Kremlin sözçüsündən Ukrayna Prezidenti Volodimir Zelenskinin İsveçrə şəhərlərindən birində Rusiya lideri Vladimir Putinlə görüş təşkil etmək üçün nümayəndə heyətinə göstəriş verdiyi barədə xəbərlərə münasibət bildirməsini istəyiblər.

Peskov isə cavabında "Danışıqlar ikinci günündədir. Hazırda müzakirə olunan məsələləri müzakirə etməyə dəyməz", - deyib. 

O, Rusiya-ABŞ-Ukrayna formatında danışıqların üçüncü raundunun başa çatmasını gözləməyə çağırıb.

17 və 18 fevral tarixlərində Cenevrədə Rusiya, Amerika və Ukrayna nümayəndə heyətləri arasında danışıqların üçüncü raundu keçirilir.