Ermənistan İctimai Televiziyasının “Böyük debat” verilişinin çəkilişi zamanı qalmaqal yaşanıb.
"Unikal" xəbər verir ki, politoloq Harutyun Mkrtçyanla jurnalist Boris Murazi arasında yaranan mübahisə əlbəyaxa davaya çevrilib. Hadisəyə studiyanın təhlükəsizlik əməkdaşları müdaxilə ediblər.
Boris Murazi hadisə ilə bağlı açıqlamasında baş verənləri dava kimi qiymətləndirmədiyini bildirib. Harutyun Mkrtçyan isə mübahisənin yumruqlaşma ilə nəticələndiyini deyib.
Qeyd edək ki, hadisənin görüntüləri sosial şəbəkələrdə yayılıb.
