Rusiyanın Türk Dövlətləri Təşkilatında iştirakı başadüşülən və məqsədəuyğun olardı.
"Unikal" xəbər verir ki, bunu Rusiya prezidentinin mətbuat katibi Dmitri Peskov deyib.
Onun sözlərinə görə, Moskva hələ rəsmi dəvət almayıb, lakin bu məsələ Qazaxıstanla təmaslar zamanı müzakirə mövzusuna çevrilə bilər.
"Rusiyanın Türk Dövlətləri Təşkilatında iştirakına gəldikdə, bilirsiniz ki, Rusiyada xalqları da tarixən türk olan bir sıra bölgələr var", - deyə Peskov bildirib. O, müzakirənin yalnız ayrı-ayrı bölgələr deyil, bütövlükdə Rusiyanın təşkilata qoşulması ilə bağlı olduğunu vurğulayıb.
30 oktyabrda Qazaxıstan prezidenti Kasım-Jomart Tokayev Ankarada keçirilən TDT sammitində Rusiyanın təşkilata daxil edilməsini təklif edib.
