İranın Ali İqtisadi Koordinasiya Şurasının katibi Möhsün Rzayi ABŞ prezidenti Donald Trampa ismarıc göndərib.

"Unikal" xəbər verir ki, o, Ağ Ev rəhbərinə İrana hücum olarsa, hərbi bazalarını vurmaqla hədələyib:

"Əlbəttə ki, biz Səudiyyə Ərəbistanı, Birləşmiş Ərəb Əmirlikləri, Bəhreyn, Qətər, Türkiyə və İraqla qardaşlıq və dostluq münasibətlərini qoruyub saxlayacağıq.

Amma bu ölkələrdəki bazalarınızın heç biri təhlükəsiz olmayacaq. Geri çəkilməyinizi tövsiyə edirik. Daha irəli getməyin. Əgər hərəkətə başlasaq, artıq atəşkəs və ya bu kimi bir şey barədə müzakirələrimiz olmayacaq".