ABŞ Prezidenti Donald Tramp İranla mümkün sülh danışıqları fonunda güzəştə getmək niyyətində olmadığını bildirib.
"Unikal" xəbər verir ki, o, “New York Post”a verdiyi müsahibədə Tehranın son cavabından sonra Vaşinqtonun mövqeyində hər hansı dəyişiklik olmadığını vurğulayıb.
Tramp İranın uranın zənginləşdirilməsinə 20 illik moratorium tətbiqi ilə bağlı suala cavab olaraq “hazırda heç nəyə açıq deyiləm” deyib.
ABŞ lideri həmçinin İranla bağlı gələcəkdə yeni addımların atıla biləcəyinə işarə etsə də, bununla bağlı əlavə detallar açıqlamayıb.
