Paris hakimiyyəti məhkəmə çərçivəsində həbs olunaraq vəzifəsindən uzaqlaşdırılan İstanbul meri Əkrəm İmamoğluna fəxri vətəndaş adı verib.
"Unikal" xəbər verir ki, bu barədə Fransanın “Fiqaro” qəzeti yazır.
"Martın 19-da Türkiyədə saxlanılan İstanbul bələdiyyə sədri Əkrəm İmamoğlu Paris şəhərinin fəxri vətəndaşı adını alıb", - məqalədə qeyd olunub.
Paris meri Anne Hidalqo bildirib ki, İmamoğlunun şəhərin fəxri vətəndaşı olması ona “müqavimət göstərmək gücü” verəcək.
Martın 23-də məhkəmə İstanbul meri Əkrəm İmamoğlunu korrupsiya və Türkiyədə terror təşkilatına yardım ittihamı ilə həbs edib.
Gülayə Mecid
