Tiktokda "Roşka" ləqəbi tanınan Rövşən Süleymanzadə apellyasiya şikayəti verib.
Bu barədə "Unikal"a təqsirləndirilən şəxsin vəkili Mircəlal Muradlı məlumat verib.
Vəkilin sözlərinə görə, müvəkkili birinci instansiya məhkəməsinin qərarı ilə razı deyil:
"Əsas istəyimiz məhkəmə baxışının qismən istintaqla keçirilməsi və cinayət işi üzrə bəraət hökmünün çıxarılmasıdır".
Xatırladaq ki, tiktoker Bakı Ağır Cinayətlər Məhkəməsinin qərarı ilə 3 il müddətinə azadlıqdan məhrum edilib.
Qeyd edək ki, “Roşka” ləqəbli tiktoker Rövşən Süleymanzadə ötən ilin yanvar ayında həbs edilib.
Onun barəsində ilkin olaraq Nəsimi Rayon Məhkəməsinin qərarı ilə 4 aylıq həbs qətimkan tədbiri seçilib.
Daha sonra ibtidai istintaq yekunlaşdırılaraq Bakı Ağır Cinayətlər Məhkəməsinə göndərilib.
Ona qarşı Cinayət Məcəlləsinin 234.1-1-ci (Satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma, külli miqdarda törədildikdə) maddəsi ilə ittiham irəli sürülüb.
Orxan Rasifoğlu
