Kiberdələduzların qurbanı olmuş Əməkdar jurnalist Ləman Ələşrəfqızının oğurlanmış 600 manat məbləğində vəsaiti özünə qaytarılıb.
"Unikal" xəbər verir ki, bu barədə o, sosial media hesabında bildirib.
"DİN-in Kibercinayətkarlıqla Mübarizə Baş İdarəsindən İsfəndiyar Abbasov zəng etdi, kiberdələduzun saxlanıldığını bildirdi. Pulum karta qaytarıldı. Təbii, cinayətkarın kimliyini hələlik bilmirəm, amma düşünürəm ki, onunla üzləşmək imkanım olacaq", - deyə aparıcı yazıb.
Qeyd edək ki, Ləman Ələşrəfqızı bu pulu kiberdələduzlar tərəfindən teleqram nömrələri ələ keçirilmiş Ümid Partiyasının sədri İqbal Ağazadənin adından edilən saxta müraciətlərə aldanaraq onun hesabına köçürmüşdü.
