Səudiyyə Ərəbistanındakı ABŞ-nin Şahzadə Sultan hərbi bazasına edilən hücum nəticəsində Amerika yanacaq tankeri məhv edilib.

"Unikal" xəbər verir ki, bunu İran Silahlı Qüvvələrinin Xatəm əl-Ənbiya Mərkəzi Qərargahının sözçüsü İbrahim Zülfəqari deyib. 

"Uğurlu əməliyyat zamanı bir tanker tamamilə məhv edilib, digər üç təyyarə isə zədələnib və ya sıradan çıxarılıb", - o, bildirib. 

"The Wall Street Journal" qəzeti daha əvvəl ABŞ hərbçilərinin İranın Şahzadə Sultan hava bazasına raket zərbəsi nəticəsində yaralandığını bildirmişdi.

***09:21

İranın Səudiyyə Ərəbistanındakı Şahzadə Sultan hava bazasına zərbələr endirib. 

"Unikal" WSJ-yə istinadən xəbər verir ki, hücum nəticəsində 10 ABŞ əsgəri yaralanıb. Onlardan ikisinin vəziyyəti ağırdır. 

Bundan əvvəl İran Əbu-Dabidə yerləşən Xəlifə sənaye zonasına raket hücumu həyata keçirib. Hücumda 5 nəfər xəsarət alıb.