ABŞ və İran arasındakı hərbi münaqişə Rusiyaya baha başa gəlir.

"Unikal" xəbər verir ki, bunu Rusiya Beynəlxalq İşlər Şurasının (RIAC) şərqşünası və proqram meneceri İvan Boçarov deyib.

Onun sözlərinə görə, münaqişə Rusiyanın maraqlarına xidmət etmir: "Çünki İran hərbi və siyasi əməkdaşlıqda çox vacib tərəfdaşdır. Hazırkı şəraitdə Rusiyanın İrandakı imici qaçılmaz olaraq pisləşir, çünki onlar Moskvanın kifayət qədər yardım göstərmədiyini düşünə bilərlər. Bu da öz növbəsində etimadı azaltmaq riski yaradır". 

Analitik vurğulayıb ki, qısa müddətdə Moskva Yaxın Şərqdəki münaqişə səbəbindən neft qiymətlərinin artmasından faydalana bilər. Lakin bu, siyasi xərclərdən daha ağır olmayacaq.

Ağarza Elçinoğlu