Rusiya Xarici İşlər Nazirliyi (XİN) rəsmi nümayəndə Mariya Zaxarovanın səsini imitasiya edən süni intellektlə yaradılmış saxta video barədə xəbərdarlıq yayıb.

"Unikal" xəbər verir ki, məlumata görə, bu, süni intellekt texnologiyalarından istifadə etməklə yaradılan növbəti saxtakarlıqdır:

“Rusiya Xarici İşlər Nazirliyinin sözçüsü Mariya Zaxarovanın 1 oktyabr 2025-ci ildə bəzi sosial mediada yayılan kadrlar əsasında saxtakarlığı müşahidə etdik. Orijinal səslənmədə Mariya Zaxarova əslində Moldovada seçkilərlə bağlı vəziyyətdən danışırdı. Sizə xatırladırıq ki, sosial şəbəkələrdə dərc olunan məlumatların, o cümlədən video məzmunun doğruluğunun rəsmi mənbələrə uyğunluğunu diqqətlə yoxlamaq lazımdır”, - Rusiya Xarici İşlər Nazirliyinin bəyanatında vurğulanır.