Bakıda çörək zavodunun direktorunun otağından pul oğurlanıb.
Unikal.org “Report”a istinadən xəbər verir ki, hadisə paytaxtın Yasamal rayonunda yerləşən "Muğan" ASC-yə məxsus çörək zavodunda qeydə alınıb.
Belə ki, ASC-nin direktoru Kamil Mirişovun xidməti kabinetindən 4000 manat pul oğurlanıb.
Daha sonra bu barədə hüquq-mühafizə orqanları əməkdaşlarına müraciət edilib.
Faktla bağlı hadisəni törədən şəxs və ya şəxslərin axtarışları aparılır.
