Lionel Messinin də çıxış etdiyi “İnter Mayami” “River Pleyt”lə yoldaşlıq oyunu keçirəcək.
"Unikal" xəbər verir ki, bu barədə Argentina klubunun rəsmi sosial şəbəkə hesabında məlumat yayılıb.
Komandalar arasında qarşılaşma 2027-ci il yanvarın 19-da Buenos-Ayresdəki “River Pleyt”in ev stadionu olan “Mas Monumental”da baş tutacaq. Bildirilib ki, bu görüşdə Lionel Messi də meydana çıxacaq.
Qeyd edək ki, Lionel Messi 2023-cü ildən “İnter Mayami”də çıxış edir. Argentinalı ulduz futbolçunun klubla müqaviləsi 2028-ci ilin sonuna qədər qüvvədədir. O, Florida təmsilçisi ilə MLS Kubokunu, müntəzəm mövsümün qalibi titulunu və Liqalar Kubokunu qazanıb.
