Pxenyanın təkrarlanan ballistik raket buraxılışları BMT Təhlükəsizlik Şurasının qətnamələrini pozur və vəziyyətin yaxşılaşmasına töhfə vermir.

"Unikal" xəbər verir ki, bu barədə Koreya Respublikasının (KR) Prezident Administrasiyası məlumat yayıb. 

Seulun məlumatına görə, Şimali Koreyanın təxminən 10 ballistik raket buraxmasından və Pxenyanı bu cür hərəkətləri dayandırmağa çağırmasından sonra təcili təhlükəsizlik iclası keçirib.

Prezident administrasiyası bildirib ki, "Milli Təhlükəsizlik Agentliyi Şimali Koreyanın Vonsan ərazisindən Yapon dənizinə doğru təxminən 10 qısa mənzilli ballistik raket buraxmasından sonra təhlükəsizlik vəziyyətini müzakirə etmək üçün təcili iclas keçirib".