Britaniyanın keçmiş Baş naziri Boris Conson, Almaniya kansleri Fridrix Mertsin müşaviri Günter Zautter və digər Avropa rəsmiləri Rusiyanın pilotsuz təyyarəsinin hücumundan son anda xilas olublar.

"Unikal" xəbər verir ki, PUA Polşa-Ukrayna sərhədindəki nəzarət məntəqəsinin yaxınlığındakı infrastruktura və yanacaqdoldurma məntəqəsinə hücum edib. Həmin vaxt Qərb nümayəndə heyətini daşıyan qatar oradan keçib.

Qatardakı sərnişinlər xəsarət almayıb. Ukrayna sərhəd xidmətinin sözçüsü daha sonra partlayışların qatarların "yaxınlığında" baş verdiyini və infrastruktur obyektlərini və yanacaqdoldurma məntəqələrini hədəf aldığını bildirib.