Bakıda dəm qazı daha bir nəfərin həyatına son qoyub.
Daxili İşlər Nazirliyinin mətbuat xidmətindən unikal.org-a verilən məlumata görə, noyabrın 30-da paytaxtın Nizami rayonu ərazisində yaşayan Ələmdar Sadıqov evində dəm qazından zəhərlənərək ölüb.
Faktla bağlı araşdırma aprılır.
Yaxınlarının unikal.org-a verdiyi məlumata görə, 25 yaşlı Ələmdar Sadıqov Bakının Binəqədi rayonunda elektirik sahəsində avtomobil ustası olub. O yaşının az olmasına baxmayaraq bu sahədə paytaxtda ad çıxarmış ustalardan olub.
Bildirilib ki, o gecə saat 1 radələrində evdə hamama girib. Telefonun musiqisini işə saldığından onun səsini eşidə bilməyiblər. Valideyinləri səhər onun meytini hamamda aşkarlayıblar.
Ə.Sadıqovun valideyinləri onun üçün yaxın günlərdə nişan mərasimi etməyi planlaşdırırmışlar.
