ABŞ-nin vitse-prezidenti C.D.Vens İranın yüksək vəzifəli təhlükəsizlik rəsmisi ilə üzbəüz danışıqlar aparmağı düşünür.

"Unikal" xəbər verir ki, bu barədə “The Wall Street Journal” qəzeti yazıb. 

"Vens Respublikaçılar Partiyasının məsuliyyəti hesab etdiyi müharibəyə son qoymaq məqsədilə İranın yüksək vəzifəli təhlükəsizlik rəsmisi ilə şəxsi danışıqlar aparmağı düşünür", - nəşr mənbələrə istinadən qeyd edib. 

Qəzetin mənbələrinə görə, son günlərdə ABŞ prezidenti Donald Tramp ən yüksək vəzifəli köməkçilərinə və həmkarlarına Vensin İranla danışıqları bərpa etməsinə açıq olduğunu bildirib və ona danışıqlara rəhbərlik etmək səlahiyyəti verib.

Nəşrin mənbələri qeyd edib ki, Vens və İran rəsmiləri görüşməyə razı olarsa, Qətərin paytaxtı Doha danışıqların növbəti mərhələsi üçün mümkün məkan kimi nəzərdən keçirilir.

Gülayə Mecid