Türkiyəli müğənni İlyas Yalçıntaş barəsində narkotik vasitələrin alveri və ya təmin edilməsi ittihamı ilə açılan cinayət işi üzrə ilk məhkəmə iclasında azadlığa buraxılıb.
"Unikal" Türkiyə mətbuatına istinadən xəbər verir ki, İstanbulun 19-cu Ağır Cinayətlər Məhkəməsində keçirilən iclasda müğənni ittihamları rədd edib. O, əvvəllər narkotik vasitələrdən istifadə etdiyini, lakin heç kimə narkotik maddə vermədiyini və satışla məşğul olmadığını bildirib.
Məhkəmə Yalçıntaşın ayda bir dəfə imza atmaq öhdəliyi ilə məhkəmə nəzarətində azadlığa buraxılmasına qərar verib.
Ən azı 10 il həbs cəzası tələb olunan iş üzrə növbəti məhkəmə iclası dekabrın 15-nə təyin edilib.
