Türkiyə Superliqasında mübarizə aparan “Qaziantep”in yeni baş məşqçisi müəyyənləşib.

"Unikal" xəbər verir ki, bu haqda klubun mətbuat xidməti məlumat yayıb.

Qaziantep təmsilçisini Orhan Ak çalışdıracaq. 46 yaşlı mütəxəssislə mövsümün sonunadək müqavilə imzalanıb.

Türkiyə millisinin sabiq futbolçusu bu vəzifədə rumıniyalı Mirel Redonu əvəzləyib.

Qeyd edək ki, “Qaziantep” hazırda Superliqanın turnir cədvəlində 4 xalla 7-ci pillədə qərarlaşır.