İran Ali Məhkəməsi "Mossadla əməkdaşlıq etməkdə" ittiham olunan Mehdi Fəridi edam edib. 

"Unikal" xəbər verir ki, bu barədə İran mediası məlumat dərc edib. 

Məlumata görə, Fərid mülki müdafiə komitəsinin idarə olunmasından məsul idi və məxfi materiallara çıxışı var idi. Dindirmə zamanı o, onları İsrail kəşfiyyatına ötürməyə cəhd etdiyini etiraf edib.

Bundan əlavə, ölkənin məhkəmə sistemi İranın mərkəzindəki Qum əyalətində 19 nəfərin "düşmənlə əməkdaşlıq etməkdə" günahlandırılaraq həbs cəzasına və cərimələrə məhkum edildiyini bildirib.

Gülayə Mecid