2011-ci ildə tanınmış türkiyəli müğənni İbrahim Tatlısesə qarşı silahlı hücumun icraçısı olan Abdullah Uçmak yaxın qohumunun dəfn mərasimində görüntülənib.

"Unikal" Türkiyə KİV-ə istinadən xəbər verir ki,  Abdullah Uçmak həmin yas mərasiminə həbsxanadan icazəli şəkildə qatılıb. Onun mərasimdə iştirakı ilə əlaqədar ərazidə geniş təhlükəsizlik tədbirləri görülüb. 

Xatırladaq ki, sənətçi İbrahim Tatlısəs 14 mart 2011-ci ildə "İbo Şou" proqramının çəkilişlərindən çıxdıqdan sonra köməkçisi Buket Çakıcı ilə birgə beş nəfərin silahlı hücumuna mərzu qalmışdı. Hadisə zamanı sənətçi başından ağır yaralanıb. Sui-qəsddə ittiham olunan şəxslər qısa zamanda saxlanılıb. Abdullah Uçmaka, Ersin Altun və Yunus Ayıka qəsdən adam öldürməyə görə 30 il həbs cəzası verilib. Təqsirləndirilən şəxsləri “silahla təmin etdiyi üçün” Emin Birdal 7 il 3 ay 15 gün həbs cəzasına məhkum olunub.

Gülayə Mecid