2020-ci ilin sentyabr–noyabr aylarında 44 günlük Vətən müharibəsində Müzəffər Azərbaycan Ordusunun işğal altında olan torpaqlarımızın azad etməsi ilə nəticələnən, milli tariximizin ən şərəfli və taleyüklü hadisələrindən olan şanlı Zəfərimizin ildönümü ilə əlaqədar ölkəmizin hər yerində olduğu kimi, Ağstafa da silsilə tədbirlər təşkil olunur. 

"Unikal" xəbər verir ki, Ağstafa Rayon İcra Hakimiyyətinin başçısı Seymur Orucov rayonun hüquq-mühafizə orqanlarının rəhbərləri, məsul şəxslər və şəhdlərimizin doğmaları ilə birlikdə Dağ Kəsəmən kənd qəbirstanlığında Vətən övladlarının məzarlarını ziyarət edib. Ziyarət zamanı şəhidlərimizin məzarları üstünə tər qərənfillər düzülüb, müqəddəs ruhlarına dualar oxunub.