Komandanın uğurunun arxasında çətin şəraitdə keçən uşaqlıq illəri və ailələrimizin fədakarlığı dayanır.

"Unikal" xəbər verir ki, bu sözləri Paraqvay millisinin baş məşqçisi Qustavo Alfaro dünya çempionatının 1/16 final mərhələsində Almaniya üzərində qazanılan qələbəni şərh edərkən deyib.

Mütəxəssis bildirib ki, milli komandanın formasının üstündəki zolaqlar paraqvaylıların yaşadığı qırmızı torpaqların izidir: “Almaniyalı futbolçular yüksəksəviyyəli akademiyalarda yetişiblər, biz isə o qırmızı torpaqlarda ayaqyalın futbol oynayaraq böyümüşük. Biz valideynlərimizin uşaqlarını məşqə aparmaq üçün etdiyi fədakarlıqların və dolanışıqlarını təmin edə bilməyən insanların mübarizələrinin şahidi olmuşuq. Ona görə də bu qələbə mübarizə və arzuların mütləq vəhdəti idi, qeyri-mümkün görünən bir xəyalı gerçəkləşdirməyə imkan verdi. Bu, özünəhörmət və inamın tam təzahürüdür".

Qeyd edək ki, Almaniya-Paraqvay matçının əsas və əlavə vaxtı 1:1 hesablı heç-heçə ilə başa çatıb. Penaltilər seriyasında qələbə qazanan Cənubi Amerika təmsilçisi 1/8 finala yüksəlib.