Liviyalı fotoqraf Böyük Səhrada səhra pişiyinin mövcudluğunu sübut edib.

"Unikal" xəbər verir ki, 2017-ci ildə liviyalı fotoqraf Məhəmməd Əlmuntəsir kiçik bir səhra pişiyinin qum təpələrində yer qazdığını əks etdirən videonu yayımlamışdı.

Alimlər o zaman şübhə ilə yanaşaraq görüntülərin Liviyadan başqa bir yerdə çəkildiyini irəli sürmüşdülər.

Lakin fotoqraf təslim olmadı və bu yaxınlarda zooloqlarla birlikdə Səhranın Liviya hissəsinə birgə ekspedisiya təşkil etdi. Nəticədə, nadir yırtıcı ölkə daxilində 13 fərqli yerdə rəsmi olaraq sənədləşdirildi.