Deputat Vüqar Bayramov İran-Ermənistan münasibətləri ilə bağlı paylaşım edib.
"Unikal"ın məlumatına görə, deputat bildirib ki, adıçəkilən ölkələrin münasibətlərində bir sıra maraqlı və müəmmalı məqamlar aşağıdakı kimidir:
1. İran hazırda Ermənistan ərazisi hesab edilən Qərbi Zəngəzurda konsulluq açan yeganə ölkədir;
2. İran Ermənistanın Azərbaycanla 2 kilometrlik sərhədində rəsmi nümayəndliyi olan yeganə ölkədir;
3. İran Ermənistan ilə ticarət dövriyyəsini 3 dəfə artırmağı hədəfləyən yeganə ölkədir. Tehran ticarət dövriyyəsini il ərzində 1 milyard dollara, daha sonra 3 milyard dollara çatdırmağa çalışır;
4. İran Ermənistanla iqtisadi əlaqələrini bu il 40 faizdən çox artıran yeganə ölkələrdəndir. Bu ilin 8 ayında iki ölkə arasındakı ticarə dövriyyəsi 43.0 % artıb;
5. İran Ermənistanın xarici ticarət dövriyyəsində ilk üçlüyə daxil olub;
6. Tehranın istədiyi kimi ticarət dövriyyəsi 3 milyard dollar olarsa, o zaman İran Ermənistanın ən böyük ticarət tərəfdaşı olacaq.
V.Bayramov əlavə olaraq qeyd edib ki, Avropa İttifaqı İran dronlarının Ukraynaya qarşı istifadəsinə görə ötən gün Tehrana qarşı yeni sanksiyaların tətbiqini razılaşdırıb.
.jfif)
