İsrail Fransanın ifrat solçu "France Insoumise" partiyasının lideri, prezidentliyə namizəd Jan-Lük Melanşonu və partiyanın parlament fraksiyasının rəhbəri Matilda Panodu "arzuolunmaz şəxs" elan edib.

"Unikal" xəbər verir ki, İsrail Xarici İşlər Nazirliyi qərarın "partiyanın İsrail əleyhinə mövqeyi və liderlərinin İsrailə qarşı ittihamlar ehtiva edən açıqlamaları" ilə bağlı olduğunu bildirib. Bundan əlavə, Melanşonun Qəzza zolağına gedən donanmaları müşayiət etmək üçün Fransa gəmilərini göndərmək çağırışı İsrail hökuməti arasında narazılığa səbəb olub.

Melanşon əvvəllər 2027-ci il seçkilərində qalib gələcəyi təqdirdə Qəzza zolağına gedən humanitar donanmaları qorumaq üçün Fransa donanmasını göndərəcəyinə söz vermişdi.