Futbol üzrə Azərbaycan Premyer Liqasında X turun növbəti oyunları keçirilib.

"Unikal" xəbər verir ki, günün ilk matçında "Neftçi" "Şamaxı"nı 3:2 hesabı ilə məğlub edib.

Günün son görüşündə isə "Kəpəz" "İmişli"yə qalib gəlib - 1:0.

Hazırda "Neftçi" 21 xalla turnir cədvəlinə başçılıq edir.

*** 16:51

"Neftçi" Misli Premyer Liqasının X turunda "Şamaxı"ya qalib gəlib.

"Unikal" xəbər verir ki, Şamaxı şəhər stadionunda baş tutan matçda qonaqlar 3:2 hesablı qələbəyə seviniblər.

"Ağ-qaralar"ın heyətində Qustavo Klisman (14), Breno Almeyda (49) və Adeleke Akinyemi (75) fərqləniblər. Ev sahiblərinin heyətində isə Abdullahi Şuaybu (24) və Ayman Bouali (64) adlarını tabloya yazdırıblar.

Xallarının sayını 21-ə çatdıran "Neftçi" turnir cədvəlində liderliyi ələ keçirib. "Şamaxı" isə 13 xalla yeddincidir.

Xatırladaq ki, turun daha əvvəl baş tutan görüşlərində "Turan Tovuz" evdə "Sabah"ı 3:2 hesabı ilə üstələyib. "Araz-Naxçıvan" - "Zirə" (2:2) və "Qəbələ" - "Qarabağ" (0:0) görüşləri isə heç-heçə yekunlaşıb.