Bakıda dayəyə əmanət edilən uşaq ölüb.
"Unikal" "Xezerxeber"ə istinadən xəbər verir ki, hadisə Bakının Sabunçu rayonunda baş verib.
Uşağın anası Ayşən İsmayılova deyir ki, ayda 250 manat ödəmək şərtilə övladına dayə tutub. Onun iddiasına görə, ilkin dövrdə dayənin fəaliyyətindən narazı olmasa da, son günlər uşağın nəzarətsiz qalması nəticəsində uşaq bir neçə dəfə yıxılıb.
Hadisədən sonra uşağı dayənin ailəsi xəstəxanaya aparıb.
Mərhumun yaxınları dayənin uşağı döydüyünü iddia edir.
Qeyd edək ki, dayənin kimliyi barədə hüquq-mühafizə orqanlarına məlumat verilib.
Məsələ ilə bağlı Baş Prokurorluqdan isə bildirildi ki, araşdırmanın gedişatına uyğun olaraq məlumat veriləcək.
