Ötən gecə Zərdabda baş verən qəzada yanaraq ölən 5 nəfər torpağa tapşırılıb.
"Unikal"ın əldə etdiyi məlumata görə, vəfat edən şəxslər Məmmədqasımlı kənd qəbiristanlığında dəfn olunublar.
***02:34
Zərdabda baş verən qəzada ölənlərin adları məlum olub.
"Unikal" APA-ya istinadən xəbər verir ki, bunlar minik avtomobilinin sürücüsü 1989-cu il təvəllüdlü Elyar Qalib oğlu Məhəmmədov, 1954-cü il təvəllüdlü Qalib Soltan oğlu Məhəmmədov, 1981-ci il təvəllüdlü Susanna Namizəd qızı Məhəmmədova, 1956-cı il təvəllüdlü Səkinə Sədulla qızı Məhəmmədova və 1979-cu il təvəllüdlü Mehriban Zabit qızı Kərimovadır.
1997-ci il təvəllüdlü Reyhan Nəsib qızı Məhəmmədova isə hadisə zamanı xəsarət alıb.
***00:48
Zərdabda ağır yol-nəqliyyat hadisəsi baş verib.
"Unikal" apa-ya istinadən xəbər verir ki, hadisə Zərdab-Ağcabədi avtomobil yolunda baş verib.
Belə ki, "KİA" markalı minik avtomobili traktorla toqquşduqdan sonra alışaraq yanıb.
İlkin məlumata əsasən hadisə nəticəsində azı 5 nəfər yanaraq ölüb.
Faktla bağlı araşdırma aparılır.
