2026-cı il Dünya Kubokunun dörddəbir final mərhələsində Norveç və İngiltərə arasında keçiriləcək oyun təxirə salına bilər.

"Unikal" xəbər verir ki, bu barədə  "Daily Mirror" qəzeti məlumat yayıb. 

Mayamidəki həddindən artıq istilər bu təxirə salınmanın səbəbi ola bilər. Dərc olunmuş məlumatlara görə, temperatur 29-32°C-yə, oyunun başlanğıcında isə 44°C-yə çatacaq. Beynəlxalq Peşəkar Futbolçular Assosiasiyaları Federasiyası yerli temperatur 28°C-dən çox olarsa, oyunların təxirə salınmasını və ya yenidən planlaşdırılmasını tövsiyə edir.

1/8 finalda Norveç Braziliya millisini 2-1 hesabı ilə məğlub edib, İngiltərə isə turnirin ev sahibi ölkələrdən biri olan Meksikanı 3-2 hesabı ilə məğlub edib.  

FİFA Dünya Kuboku 11 iyunda başlayıb və 19 iyula qədər  ABŞ, Meksika və Kanadada davam edəcək.