"Qarabağ"ın baş məşqçisi Qurban Qurbanov futbolçu Elvin Cəfərquliyevin mümkün transferi ilə bağlı açıqlama verib.

"Unikal" xəbər verir ki, təcrübəli mütəxəssis UEFA Avropa Liqasının I təsnifat mərhələsində "Vestri" üzərində 3:0 hesablı qələbədən sonra keçirilən mətbuat konfransında bu barədə danışıb.

Qurbanov bildirib ki, Elvin Cəfərquliyevin başqa kluba transferi baş tutsaydı, buna etiraz etməzdilər:

"Elvin Cəfərquliyevin başqa kluba transferi baş tutsaydı, buna etiraz etməzdik. Amma hər bir halda qayda-qanun var. Lazım gəldikdə sərt qərarlar da verməliyik. Onunla bir neçə görüşümüz oldu və yenidən komandaya qayıtdı".