İngiltərənin mərkəzində yerləşən Bedford şəhəri yaxınlığında iki qatar toqquşub.

"Unikal" xəbər verir ki, bu barədə "The Daily Telegraph" qəzeti məlumat yayıb.

Məlumata görə, hadisə nəticəsində xəsarət alanlar var.

Britaniya Nəqliyyat Polisi toqquşmanı təsdiqləyib. Hər iki qatar London istiqamətində hərəkət edirdi. Biri Nottingemdən, digəri isə Korbidən yola düşüb. İkinci qatarın arxadan birinci qatarla toqquşduğu ehtimal olunur. Qəza Bedford stansiyasından təxminən 4 km cənubda baş verib.