İranda qətldə günahlandırılaraq edama məhkum edilən daha 4 nəfər dar ağacından asılıb.

Unikal.org yerli mediaya istinadən xəbər verir ki, edamlar Məşhəd, Qum və Babil şəhərlərində həyata keçirilib.

İranlı hüquq müdafiəçilərinin yaydığı məlumata görə, bir neçə il əvvəl ayrı-ayrılıqda naməlum səbəbə görə qətl törədən və adları mediaya açıqlanmayan 2 məhkum Məşhəd şəhərinin mərkəzi zindanında dara çəkilib.

Bundan başqa, 5 il əvvəl məişət zəminində baş verən bir davada qətl törədən 26 yaşlı daha bir məhkum eyni ittihamla Babil həbsxanasında edam edilib.