Bakıda ahıl kişinin ölümü ilə nəticələnən yol-nəqliyyat hadisəsi baş verib.
Unikal.org "Report"a istinadən xəbər verir ki, hadisə Sabunçu rayonunda baş verib.
Belə ki, Zabrat qəsəbəsində yolu keçmək istəyən 1955-ci il təvəllüdlü Mirzəyev Qənbər Əli oğlunu minik avtomobili vurub. Q.Mirzəyev hadisə yerində dünyasını dəyişib.
Faktla bağlı Sabunçu Rayon Polis İdarəsinin əməkdaşları avtotexniki ekspertiza təyin edib. Sürücü saxlanılıb.
Araşdırma aparılır.
