ABŞ administrasiyası İranla mümkün razılaşmanın əldə olunması üçün konkret vaxt çərçivəsi müəyyən etməyib.

"Unikal" xəbər verir ki, bunu ABŞ-nin Vitse-prezidenti Cey. Di. Vens jurnalistlərə açıqlamasında bildirib.

Onun sözlərinə görə, Vaşinqtonun əsas tələbi İranın nüvə proqramının tamamilə dayandırılması və gələcəkdə bərpa edilməməsinə zəmanət verilməsidir.

Vens qeyd edib ki, bu məsələ ABŞ-nin Tehranla danışıqlarda başlıca narahatlığı olaraq qalır.

Qeyd edək ki, ABŞ Prezidenti Donald Tramp daha əvvəl İranla bağlı hərbi əməliyyatların bərpası barədə qərar verməyə tələsmədiyini bildirmişdi.