Türkiyədə yaşı 15-dən aşağı olan şəxslər sosial şəbəkələrdə hesab aça bilməyəcəklər.
"Unikal" xəbər verir ki, Türkiyə Prezident Administrasiyası Kibertəhlükəsizlik İdarəsinin yeni qaydalarına əsasən, noyabrın 1-dən hesablar üçün yaşın təsdiqlənməsi məcburi olacaq.
Mövcud hesabların yoxlanılması isə 31 mart 2027-ci ilədək müəyyənləşdirilib. İstifadəçilər o vaxtadək yaş təsdiqini tamamlaya biləcəklər. Yaşın təsdiqlənməsi "e-Devlet" sistemi vasitəsilə həyata keçiriləcək.
Həmçinin, 15-18 yaşlı gənclərin yaşlarına və inkişaf səviyyələrinə uyğun, daha təhlükəsiz rəqəmsal mühitdə xidmət alması planlaşdırılır.
