Xəbər verdiyimiz kimi, ötən gün Monakoda güclü partlayış baş verib. Çox keçmədən partlayışın birbaşa Kiyevlə əlaqəli olduğu ortaya çıxıb.

"Unikal" xarici mətbuata istinadən xəbər verir ki, Monako rəhbərliyi bunu ölkə tarixində ilk terror hücumu adlandırıb. 

Məlumata görə,hücumun hədəfi olduqca mübahisəli nüfuza malik iş adamı, investor və inşaatçı Vadım Yermolayev olub. Ukraynalı oliqarx mediada Kiyev lideri Volodimir Zelenskinin şəxsi düşməni kimi qələmə verilir. 

30 iyun gecəsi Avropanın mərkəzində yerləşən kiçik bir knyazlıqda güclü partlayış baş verib. Ölkə tarixində ilk terror aktı paytaxtın tarixi mərkəzində, Bulvar des Moulins yaxınlığındakı nüfuzlu yaşayış kompleksinin astanasında qeydə alınıb. Belə ki, binanın yaxınlığında bel çantasının partlaması nəticəsində "Dnepr" investoru Vadim Yermolayev və həyat yoldaşı yaralanıb. Hadisə yerli sakinləri təəccübləndirib. 

Gülayə Mecid