"Daimi yorğunluq tez-tez tiroid disfunksiyasını gizlədir".

"Unikal" xəbər verir ki, bunu rusiyalı endokrinoloq Olqa Yatsişina deyib. 

Mütəxəssis izah edib ki, bu orqan maddələr mübadiləsinə, ürəyə, sinir sisteminə, enerji səviyyələrinə və emosional fona təsir göstərir. 

"Hipotiroidizm zamanı hormon istehsalı aşağı olur və bütün bədən prosesləri yavaşlayır. Zəifliklə yanaşı, simptomlara üşütmə, şişkinlik, diqqətin azalması, əhval-ruhiyyənin düşməsi, unutqanlıq və göz yaşı daxildir. Tirotoksikoz zamanı zəiflik də davam edir, lakin ürək döyüntüsünün artması, əl titrəməsi, əsəbilik, çəki itkisi və yuxu problemləri ilə müşayiət olunur.

Bu pozğunluqlar daha çox qadınlarda və yaşlı insanlarda aşkar edilir". 

Olqa Yatsişina əlavə edib ki, bu halla qarşılaşdıqda dərhal həkimə müraciət etmək lazımdır.