Azərbaycan Dövlət Su Ehtiyatları Agentliyi suyun qiyməti ilə bağlı Tarif Şurasına müraciət etməyib.

"Unikal" xəbər verir ki, bu barədə ADSEA məlumat yayıb.

Qeyd edək ki, bu gün mətbuatda, sosial şəbəkədə Agentliyin suyun qiyməti ilə bağlı Tarif Şurasına müraciət etməsi barədə məlumat yayılıb.

Xatırladaq ki, mediada yayılan məlumata görə, Tarif Şurasının gündəliyində olan yeni təklifə görə, 10 kuba qədər 1 manat 20 qəpik, 10-20 kub arası 1 manat 60 qəpik, 20 kubdan yuxarı isə 2 manatla hesablanması nəzərdə tutulur.