Rusiyalı MMA döyüşçüsü Ceff Monsonun kikboksinq döyüşü üçün Moldovaya girişinə icazə verilməyib.

"Unikal" xəbər verir ki, bu barədə idmançı açıqlama yayıb. 

"Məşqçimlə birlikdə Moldova hava limanında saxlanıldıq və ölkəyə girişimizə icazə verilmədi. Onlar Z döyməmi makiyajla örtməyi təklif etdilər. Həmçinin mətbuat konfransında Rusiya haqqında danışmamağımı dedilər", - deyə Monson bildirib və bunun təhqiramiz olduğunu qeyd edib.

2023-cü ilin may ayında döyüşçü ABŞ vətəndaşlığından imtina edib. O, ABŞ siyasəti ilə razılaşmadığını bildirib. O, həmçinin fikirlərinin və gələcəyinin artıq yalnız Rusiyaya yönəldiyini bildirib.