Aprelin 24-də futbol üzrə İspaniya La Liqasının XXI turundan təxirə salınmış görüşdə “Barselona” klubu “Rayo Valyekano”nu qəbul edib.
"Unikal" xəbər verir ki, “Kamp Nou” stadionunda keçirilmiş görüş qonaqların qələbəsi ilə yekunlaşıb - 1:0. Yeganə qolu 7-ci dəqiqədə Alvaro Qarsiya vurub.
Qarşılaşmanın baş hakimi İsidro Dias de Mera matça 14 dəqiqə əlavə edib.
Bu məğlubiyyətdən sonra “Barselona” 33 oyuna 63 xalla 2-ci yerdə gedir. “Rayo Valyekano” 40 xalla 11-cidir. Turnir cədvəlinə 78 xalla “Real Madrid” başçılıq edir.
