Azərbaycanın müasir tarixinə qızıl hərflərlə yazılan 44 günlük Vətən müharibəsində şanlı Zəfərin 6-cı ildönümü tamam oldu.

"Unikal" xəbər verir ki, Müzəffər Ali Baş Komandan, Prezident İlham Əliyevin rəhbərliyi ilə rəşadətli Azərbaycan Ordusu işğal altındakı torpaqlarımızı azad edərək tarixi Qələbə qazandı. 
Dövlət başçısının 3 dekabr 2020-ci il tarixli Sərəncamı ilə 8 noyabr tarixi Zəfər Günü kimi təqvimimizə  yazıldı.
Noyabrın 8-də Azərbaycan Respublikası Mədəniyyət Nazirliyinin kollektivi, aparıcı mədəniyyət müəssisələrinin rəhbərləri, ölkəmizin tanınmış mədəniyyət xadimləri Zəfər parkını ziyarət edib, Zəfər abidəsinin önünə gül dəstələri qoyublar.
Zəfər Günü Azərbaycan xalqının sarsılmaz birliyinin və böyük Vətən sevgisinin təcəssümüdür.