"Hər birimiz bilirik ki, ombudsman vəzifəsi olduqca ciddi təsisatdır. İnsan hüquq və azadlıqları ilə bağlı ölkə vətəndaşlarının müraciət etdiyi təsisatdır. Ona görə də hər zaman diqqət mərkəzindədir".
"Unikal" xəbər verir ki, bunu Milli Məclisin İnsan hüquqları komitəsinin bu gün keçirilən iclasında Azərbaycan Respublikası İnsan hüquqları üzrə müvəkkilinin (ombudsmanın) seçilməsi haqqında məsələnin müzakirəsi zamanı komitə sədrinin müavini, deputat Arzuxan Əli-zadə deyib.
"Parlamentə təqdim edilən hesabatlardan da görünür ki, ölkə vətəndaşlarının ombudsmana müraciət dinamikası get-gedə artır. Səbinə xanımın namizədliyini dəstəkləyəcəm", - deyə o bildirib.
Xatırladaq ki, Bakıda bir nəfərin ölümü ilə nəticələnən kütləvi dava ilə bağlı deputat Arzuxan Əlizadənin oğlu Əhməd Əlizadə də cinayət məsuliyyətinə cəlb edilib. Ona qarşı Cinayət Məcəlləsinin 6 maddəsi ilə ittiham irəli sürülüb, barəsində 4 aylıq həbs qətimkan tədbiri seçilib.
Anar Kəlbiyev
