"Müdafiə naziri Suren Papikyan müasir Ermənistan tarixinin ən pis nazirlərindən biridir. Yalnız sülh dövründə əsgər ölümləri ilə bağlı rəsmi məlumatlar bunun subyektiv qiymətləndirmə olmadığını göstərir. Hərbi olmayan şəraitdə baş verən bu qədər ölüm bir şeyi göstərir: ordu aciz vəziyyətdədir". 

"Unikal" xəbər verir ki, bu barədə Ermənistanın "Hraparak" qəzeti yazıb. 

Qeyd olunub ki, orduda bir nəfəri bıçaqlamaqda ittiham olunan tarix müəllimi (nazir nəzərdə tutulur - red.) bu illərdə ona həvalə edilən vəzifənin ciddiliyini və məsuliyyətini dərk edə bilməyib.

"Dünən öyrəndik ki, müdafiə Melikset Poqosyan, Razmik Petrosyan və Kamo Vardanyan vəzifələrindən azad ediliblər. Bir neçə gün əvvəl hərbi polis rəisi vəzifəsindən azad edilib və onun yerinə keçmiş polis rəisi Aram Ovannisyan təyin edilib.

Müdafiə Nazirliyindəki mənbəmizin sözlərinə görə, Papikyan intiharlara və ordudakı xaosa görə günahkar axtarır və vəzifədə qalmağa davam edir. O, son günlər günahkarların cəzalandırıldığını göstərmək üçün müxtəlif şəxsi heyəti işdən çıxarır. 

Əldə etdiyimiz məlumata görə, Papikyan indi yüksək rütbəli hərbçiləri mövqelərə göndərmək qərarına gəlib ki, əsgərlər bir-birini öldürməsinlər, mövqelərdə yatdıqlarına görə bir-birini "lənətləməsinlər" və s. kimi vəziyyətə nəzarət edə bilsinlər. Öyrəndik ki, bəzi yüksək rütbəli hərbçilər artıq bir-iki aydır mövqelərə göndəriliblər. Görək bu birdəfəlik hərəkətlər necə başa çatacaq, - deyə məlumatda bildirilir.

Ağarza Elçinoğlu