Almaniyada fırıldaqçılar keçmiş Şlezviq-Holşteyn maliyyə naziri Rayner Viqardın "Facebook" hesabını sındırıblar.
"Unikal" xəbər verir ki, onlar profilin adını "Qarlı dağlar" qoyublar, siyasətçinin şəklini qadın şəkli ilə əvəz ediblər və sonra istifadəçilərə onun adından mesaj göndərməyə başlayıblar.
Viqardın əlaqələri arasında ştatın baş naziri Daniel Günter də daxil olmaqla tanınmış siyasətçilər var idi ki, bu da hesabı xüsusilə inandırıcı edirdi.
Sxem klassik "sevgi fırıldaqçılığına" bənzəyib: onlar qurbana zahiri romantik maraqla mesaj göndərir, tədricən onların etibarını qazanır və sonra təcili məsələ adı altında pul istəyirlər. Şlezviq-Holşteyn polisi xəbərdarlıq edib ki, məşhur insanların və ya təşkilatların hesabları cinayətkarlar üçün xüsusilə cəlbedicidir.
Viqardın sözlərinə görə, özü uzun müddətdir "Facebook"dan istifadə etmirdi və sındırma barədə yalnız "Bild"in sorğusundan sonra məlumat əldə edib. O, polisə şikayət ərizəsi verib.
