Azərbaycandakı uşaq futbol klublarından birində yetkinlik yaşına çatmayanlara enerji içkisi verilir.
Belə ki, Xocalı” futbol klubu "Red Bull"u 6-12 yaşlı futbolçuların qida rasionuna əlavə edib. Hətta bununla bağlı klubun rəsmi səhifəsində foto paylaşılaraq "Xocalı Futbol Klubu futbolçuların qida rasionuna xüsusi önəm verir!" sözləri yazılıb.
Unikal.org-un əldə etdiyi məlumata görə, "Redd Bull" şirkəti klubun sponsorudur. Bu hal klubda ilk dəfə baş vermir.
Qeyd edək ki, 2019-cu ildə yaradılan “Xocalı” futbol klubunda 6-12 yaşlarında uşaqlar məşq edir.
Xatırladaq ki, Azərbaycanda “Enerji içkilərinə dair müvəqqəti sanitariya normaları və qaydaları” qüvvəyə minib. Həmin gündən 18 yaşına çatmamış şəxslərə enerji içkilərinin satılması qadağan edilib.
Aygün İlqarqızı
